Receta për tavë turli me bamje
Përbërësit:
- 1/2 kg bamje
- 1kungull i vogël
- 1 patëllxhan i vogël
- 1karrotë
- 1 qepë
- 1 degëz selino
- 1patate
- 2 domate
- 1 thelpi hudhre
- vaj ulliri
- kripë
- pak rigon
- mëndërz/nenexhik
Përgatitja Tavë turli me bamje:
Qërojmë e pastrojmë të gjitha perimet. Në një tigan hedhim 4 lugë vaj ulliri dhe shtojmë qepën e grirë hollë, karrotën dhe selinonë të prera në copa të vogla.
I kavërdisim për disa minuta me zjarr të ulët e më pas shtojmë domaten e grirë. I lemë të ziejnë ngadalë.
Ndërkohë presim në copa të vogla kungullin, patëllxhanin, pataten dhe i vendosim në një tavë, shtojmë gjithashtu dhe bamjet e pastruara paraprakisht dhe hudhrën e grirë hollë.
Pasi domatja është zbutur shtojmë rreth 400 ml ujë në tigan. Pasi është zier pak shtojmë masën te tava me perime. I përziejmë mirë.
Shtojmë pak rigon, mëndërz ( sipas dëshirës), kripë dhe vendosim tavën në furrë të nxehtë 220*. E pjekim përreth 40/45 minuta.
Nxjerrim tavën nga furra dhe e shërbejmë.
Dhe e ftohtë është shumë e shijshme tava turli me bamje.
Ju bëftë mire!
Lexoni receta te tjera ne www.artigatimit.com